வலைப்பதிவுகளின் வழி நான் கற்றதும் பெற்றதும்...

சிலகாலமாகவே நம்மில் பலரும் சொல்லிக்கொண்டிருப்பது, முன்னர் திரு. சுஜாதா மட்டுமே எழுதி நாம் தெரிந்துகொள்ளவேண்டிய கட்டாயம் போய், இன்று வலைப்பதிவுகளின் மூலம் பல விடயங்கள் தெரிந்தகொள்ள முடிகிறதென்பது. அந்தவரிசையில் இந்தவார கற்றதும் பெற்றதும் தொடரில் வந்துள்ள சூப்பர்மேன் கிறிஸ்டோஃபர் ரீவ் பற்றியும், பிரெஞ்சு தத்துவஞானி ழாக் டெர்ரிடா பற்றிய விஷயமும்.

இது தொடர்பில் பத்ரி முன்னர் எழுதியிருந்த பதிவைத் தேடி இங்கே முடியவில்லை, மன்னிக்கவும். இந்த கட்டுடைக்கும் (deconstruction of the text) வித்தை பெட்டையின் சில பதிவுகளிலும் இருப்பதாகக் கூட குறிப்பிட்டிருந்தார். அனைவருக்கும் நன்றி.

சீரியஸ் மேட்டர்...

என்ன பண்றது அப்பப்போ ஏதேதோ பதிப்பதின் விளைவு... இந்த தலைப்பு.

சில வாரங்களுக்கு முன்பு திரு. பா.ராவும் திரு. எஸ்.ராவும் சிறந்த நூறு நூல்கள் என்று அவர்கள் படித்த அவர்களுக்கு பிடித்த நூறு நூட்களை பட்டியலிட்டிருந்தார்கள். நண்பர் ஈழநாதன் தனது படிப்பகத்தில் பல நல்ல ஈழத்து நூல்களை அறிமுகம் செய்துவருகிறார்.

இதுபோன்று அல்லது அதைத்தொடர்ந்து வேறு எதாவது நல்ல புத்தகங்கள் பட்டியல் ஏது வெளியிட்டார்களா? ஏதாவது சுட்டி இருந்தால் சொல்லுங்கள். அதுதவிர நீங்களும் உங்களூக்குப் பிடித்த நூல்களை இங்கே பின்னூட்டத்திலே சொல்லுங்களேன். ஏற்கனவே பட்டியலில் இருந்தாலும் பரவாயில்லை, நீங்களும் திரும்ப சொல்லும்போது அதற்குறிய வாக்கு/அபிமானம் கூடுவதாக எடுத்துக்கொள்ளப்படும். இந்தப்பட்டியலை திரட்டி மொத்தமாக ஒரே பட்டியலாக பதிக்கலாம்.

தமிழ் புத்தங்கள் மட்டுமல்ல உங்களின் விருப்பம் ஆங்கிலமாக இருந்தால்கூட வரவேற்கப்படும். நல்லபுத்தகங்களை, அனைவரும் கண்டிப்பாக படிக்கவேண்டிய, நல்ல, இனிமையான புத்தகங்களை ஒன்றுகூடி திரட்டுவோம்.

இதன் பிண்ணனி இரண்டு:
1) நான் வருடத்தொக்கொருமுறை(யாவது) சில நூட்கள் இந்தியாவிலிருந்து வாங்கிவருவது/வரவழைப்பது வழக்கம். அந்த முறை இந்த தீபாவளியின் போது வருகிறது. (சில நண்பர்கள் ஊர் சென்று திரும்புவதால்)

2) நண்பர் ஈழநாதன் முன்னொருமுறை அழைப்புவிட்டிருந்தார், யாராவது ஒத்துழைத்தால் படிப்பகம் போன்று தமிழகத்திலிருந்து வரும் நூட்களையும் பட்டியலிடலாமென்று. அதற்கு இது ஒரு முதல்படி.

அதனால் உங்கள் கருத்துக்களை, எண்ணங்களை விரைவில், மிகவிரைவில் எதிர்பார்க்கிறேன்.

சிரிப்பே அறியா சிடுமூஞ்சி...

சிரிப்பே அறியா சிடுமூஞ்சியை நினைத்து இன்று குமாரும் நேற்று ராஜாவும்
இன்னும் சிலரும் மிக வருத்தப்பட்டிருந்தனர்.

ஆனால் எனக்கென்னவோ அது ஒரு நகைச்சுவையான, மக்களை ஈர்க்கும் விளம்பரமாகத்தான் எடுத்துக்கொள்ளப்படுமே தவிர அதையும் மீறி அதில் தோன்றும் 'பிறன்மனை' பற்றியெல்லாம் என்னைப்போலவே, பெரும்பாலானவர்களும் சிந்திக்க மாட்டார்கள் என்றே தோன்றுகிறது. வேண்டுமானால் லியோனி வகை பட்டிமன்றங்களில் 'பிரமாதம்ம்ம்...' என்பதுபோல் இதுவும் சொல்லிக்காட்டப்படும். வேறேதும் அதிர்ச்சியடையுமளவு இதில் அதிகம் ஒன்றுமில்லை.

ஆபாசமான மற்ற விளம்பரங்களைப் பற்றி அல்ல என்னுடைய கருத்து. இதுதான் இதுக்குத்தான்!

அதுபோக இன்னொருவகையில் பார்த்தால், நம் ஊரில் (ஏன் உலகத்தில் பல இடங்களிலும்) இருக்கும் சாதி/மத/சொந்தம்/பணத்துக்காக செய்துகொள்ளும் இதுபோன்ற அதிக வயதுவித்தியாசமான திருமணம் செய்பவர்களுக்கும், அதற்கு துணைபோவர்களுக்கும் கொடுக்கும் சாட்டையடியாக தோன்றுகிறது.

மேலும், இப்போதெல்லாம் பலரும் வேலையில் மூழ்கி குடும்பத்தை, குறிப்பாக மனைவியை/துணையை மறந்து திரியும் இதுபோன்ற சிடுமூஞ்சிகளுக்கு கொடுக்கும் ஒரு எச்சரிக்கையாக கூட எடுத்துக்கொள்ளலாம்.

சரி... சரி... நிறுத்திட்டேன்.

இதழ்கள்

சிங்கப்பூரில் தமிழ் இந்திய நாள்/வார/மாத இதழ்களின் தேவை, விற்பனை பற்றி நேற்று உள்ளூரின் பிரபல (ஓரே) ஆங்கில நாளிதழான Striats Timesல் வந்த செய்தி இது. இவ்வளவு தேவையிருந்தாலும் உள்ளூரில் செயல் படும் ஒரே தமிழ்பத்திரிக்கையான தமிழ்முரசோ, வெளிவரும் ஒரு சில சிற்றிதழ்களோ(உள்ளடக்கதில் அல்ல எண்ணிக்கையில் - இந்தியன் மூவி நியூஸ், சிங்கைச் சுடர் (இதுவும் மூட இருப்பதாக கேள்விப்பட்டேன்)) இதுபற்றி கவலைப்பட்டதாகவே தெரியவில்லை. அவர்களுக்கே உரிய சில பிரச்சனையில் மூழ்கியுள்ளனர் (இதுபற்றி விரிவாக பின்னர் எழுதுகிறேன்).

அவர்கள் கவலைப்படாவிட்டாலும் பராவாயில்லை என்னைப்போலவே தமிழ்மொழி பண்பாட்டுக்கழகத்தின் தலைவர் திரு. ஹரிகிருஷ்ணனாவது கவலைப்படுக்கிறாரே.

குறும்புக்காரரு...

எனக்கு இந்த குறும்புக்காரருன்னு சொல்லுவாங்களே, அப்படி சொன்னாலே ஞாபகத்துல வர மனுசர் (சத்தியராஜ், கவுண்டமணி இல்லைங்கோ:) விர்ஜின் நிறுவனத்தின் அதிபர் ரிச்சர்ட் பிரான்சன் அவர்கள்தான். அவரு மற்ற எல்லா வர்த்தகர்களையும் விட வித்தியாசமானவர். அவர் செய்யும் ஒவ்வொரு தொழிலும் வித்தியாசம். சாதராண குடிபாங்களிலிருந்து, கைத்தொலைபேசி சேவை, விமான சேவை என்று எல்லாவற்றிலும் அகல கால். பேரே வித்தியாசம்தானே. இப்போது அவர் செய்யும் இன்னொமொரு புதுசு விமானத்தில் DoubleBed (இருவர் படுக்கும் படுக்கை என்று தமிழ்படுத்தினால் என்னை அசிங்கமா பார்ப்பீங்களே :)



இதுபற்றி அவர் என்ன சொல்றார் தெரியுமா?

'You can do it at home, in a hotel, on cruise ships and on trains. Why not on an airliner?'

மேலும் படிக்க....

வீரப்பனால் என(ம)க்கு கிடைத்தது...

வீரப்பன் இறப்பால் வேறென்ன நன்மை தீமை என்று அனைத்துப் பிரபலங்களும் போதுமளவுக்கு வலை பதிஞ்சீட்டீங்க, போதலைன்னா தினமலர், குமுதம், விகடன் பக்கம் போய் பாருங்க.

என(ம)க்கு கிடைத்த நன்மை,
தமிழ்மணம் வலைவாசலின் மேலும் ஒரு மேம்பாடு: சூடான விவாதப் பொருள்

புதுசு கண்ணா புதுசு
Best கண்ணா Best
First கண்ணா First

பாலாஜி சுப்ரா ட்ராக்பேக், பிங்பேக் போன்றவைக்கு எளிய மாற்றாக இருக்கிறது என்று கூறி ஏற்கனவே நன்றி கூறியுள்ளார். (ட்ராக்பேக், பிங்பேக் - எப்படி பயன்படுத்த முடியும் என்று சொல்லுங்களேன்:)

இது manual-ஆக திரட்டப்பட்ட செய்திகளா? அல்லது programmed collection? (அதாவது முக்கியவார்த்தை(keyword - வீரப்பன்) ஒன்றை வைத்து திரட்டப்பட்டதா, இதுபோன்று தினமும் வருமா?)

நன்றி காசி(....). நவன் சொன்னதுபோல உங்களுக்கு மட்டும் நாளுக்கு 30 மணி நேரமல்ல, எங்களுக்கும்தான் - ஆனால் எதை எப்படி பயன்படுத்துகிறோம் என்பதைத்தான் உங்களைப்போன்றவர்களிடம் கற்றுக்கொள்ளவேண்டும்.

வாழ்த்துக்கள், தொடர்ந்து செல்லுங்கள், சிறப்பாக செய்யுங்கள்.

Padiththavai-ல் பிடித்தவை

கண்டிப்பா நீங்க படிக்கோணும்...நானும் அவர்களும்

எல்லாமே அரசியல்தான்...

அமெரிக்க அதிபர் தேர்தல் தொடர்பில், இன்றைய தினசரியில் படித்த ஒரு செய்தி(யின் பின்விளைவு...)


....
அதிபர் புஷ் ஃபுளோரிடாவில் யூதர்களின் வாக்குகளை வெற்றிகொள்ள முயன்றார்.

யூதர்களுக்கு எதிராக முன்பு நடந்ததைப் போன்ற எதிர்ப்பு இயக்கம் இந்த நவீன உலகில் இனி ஒருபோதும் நடக்காது என்பதை அமெரிக்கா உறுதிப்படுத்தும், கண்காணித்து வரும் என்று புஷ் உறுதி தெரிவித்தார்.

யூத அமெரிக்கர்கள் சென்ற 2000 அதிபர் தேர்தலில் புஷ்ஷை ஆதரிக்காமல் ஜனநாயகக் கட்சியின் அல்கோரை ஆதரித்தார்கள். ஆனால் அதிபர் புஷ் நிர்வாகம் இப்போது கைக்கொண்டு வரும் இஸ்ரேலுக்கு ஆதரவான அணுகுமுறை காரணமாக குடியரசுக் கட்சி அதிபருக்கு யூதர்களிடம் ஆதரவு அதிகமாகி வருகிறது என்று தெரிவிக்கப்பட்டுள்ளது.

நமது ஊரில் நடக்கும் சாதிச்சங்க, மதவாத தொடர்பான அரசியலுக்கும் இந்த செய்திக்கும் ஏதும் தொடர்பிருக்கிறதா என்ன? அமெரிக்காவில் எல்லாம் அப்படி நடக்காதுப்பா... அமெரிக்க அரசியல் ரொம்ம்பப... சுத்தம் & யோக்கியம்.

கண்டத சொல்றேன்...

இன்று காலை பேருந்து நிறுத்தத்தில் பேருந்துக்காக காத்திருக்கும்போது தற்செயலாக என் முன்னர் நின்று கொண்டிருந்த ஒரு பள்ளி/கல்லூரிப்பெண்ணின் (நம்ப இனப்பெண்தான்) தோளில் தொங்கிக்கொண்டிருந்த பையில் இணைத்திருந்த பேட்ஜ் (badge) ஒன்று (தெரியாத்தனமாக) கண்ணில் பட்டது. அதிலிருந்த வாசகம் இதுதான்:

Menopause
Mental Stress
Menstrual Cramp

Why all these problems starts with Men?

[ஏதோ பாத்த சரி... அதை இதுக்கு இங்கேன்றீங்களா...? அட போங்கப்பா:)]

சிங்கையின் தமிழ்முரசு தினம் ஒரு வாசகம் என்று தினமொரு பொன்/வெள்ளி/வெண்கல/மொழியை வெளியிட்டு வருகிறது. அதில் இன்று:

முட்டாள்களின் இதயம் அவர்கள் வாயில் இருக்கிறது.
ஞானிகளின் வாய் அவர்களின் இதயத்தில் இருக்கிறது.
- பிராங்கிளின்

Death of A Programmer

அனுதினமும் வரும் புதுப்புது மென்பொருள்களால் programming என்று சொல்லப்படும் கோட் எழுதும்வேலை குறைந்துகொண்டே வருகிறது. இப்பொது கிட்டத்தட்ட 75% கோடை மென்பொருள்களே எழுதிவிடுவதால்... இதே நிலை நீடிக்கும்போது இன்னும் ஒரு 5 - 10 வருடங்களில் Programmer என்ற ஒரு வேலை கேள்விக்குறியாகிவிடுமா? இப்போது படித்துவரும் கணிணித்துறை மாணவர்கள் அந்த நிலையிலிருந்து தப்பிக்க என்னவழி போன்றவற்றைப் பற்றி ஆராயும் ஒரு கட்டுரை: A Programmer's key to survival

பாதுகாப்பு (இல்லாத) பெட்டி

பாதுகாப்பு பெட்டிக்கே பாதுகாப்பு இல்லாட்டி அத எந்த பாதுகாப்புப்பெட்டிக்குள்ளார வைக்கிறது?

இந்தசேதி தெரியுமா சாமி ஒங்களுக்கு. போன வாரம் நடந்திச்சு, உங்கள்ட்ட சொல்லலாம், சொல்லாம்னு இருந்து வலைப்பூ நெருக்கடில்ல இது மறந்திருச்சு. வேறு எங்காவது படிச்சிருந்தா சரி, ஒருவேளை படிக்காட்டி இங்கே: Business Report - Hong Kong bank crushes more than customer's spirits

என்னாலா மைக்?

சிங்கையின் தமிழ்முரசைச் சேர்ந்த லதா அவர்களின் கவிதை நூலான தீவெளியிலிருந்து ஒரு கவிதை இங்கே. கவிதைக்கும் என்னுடைய சிங்கையில் இந்தியர் நிலை பதிவுக்கும் தொடர்பேதுமில்லை.

என்னாலா மைக்?

உங்கப்பன் யாரோ
எங்கப்பன் யாரோ
யாருலா கண்டா?
நாம கூட்டாளிங்க
பீர் குடித்து
ஜாலியா இருப்போம்
வா லா மைக்
எடுத்துக்கோ 'எக்ஸ்டசி'
சும்மா
என்ஜாய் பண்ணுலா.

உங்கப்பன் யாரோ
எங்கப்பன் யாரோ
நாம மக்கள்ஸ்லா
நமக்குள்ளாற என்னாலா?
எவண்டா முறைச்சான்
காட்ரா
சொருவிடலாம்

உங்கப்பன் யாரோ
எங்கப்பன் யாரோ
யாருக்குலா தெரியும்?
இது உன் 'பசாலுலா'
நமக்கொன்னும் தெரியாது
குத்தினது யாருன்னு
கேட்டான்
சொல்லிட்டேன்லா
தமுளன்லா!

- லதா

TMS மற்றும் KS Rajah

நண்பர் யாழ் சுதாகர் என்பார் இரு அருமையான பதிவுகளை ஆரம்பித்து, இரு அமர்க்களமான பதிவுகளை பதிந்துள்ளார். அதை படித்து, அனுபவித்துப் பாருங்கள் - மிகவும் இனிமை.

TMS பற்றிய பதிவு அமர்க்களமாக இருக்கிறது. ஒவ்வொரு பாடலையும் அருமையாக ரசித்து, உள்வாங்கி அனுபவத்திருக்கிறார் அந்த அனுபவம் இங்கே எழுத்தாக வந்துள்ளது, அருமை.

அதைவிட அருமையான பதிவு: இலங்கை வானொலி அறிவிப்பாளர் கே எஸ் ராஜா
பற்றியது. அந்த அமரருக்கு ஒரு கவிதாஞ்சலியாக தனது ஒலித்தொகுப்பு ஒன்றையும் இணைத்துள்ளார். அந்த "பிறந்த நாள்... இன்று பிறந்த நாள்..." ஓசையக்கேட்டவுடன் எனக்குள்ளேயும் இலங்கை வானொலியின் நினைவுகள் வந்துவிட்டது. அதிலும் சுதாகர் சொல்லும் 'குரு' பட உண்மை!

என்ன சொல்லி பாராட்டுவதென்றே தெரியவில்லை. ஒவ்வொருக்குள்ளும் எப்படியெல்லாம் திறமை ஒளிந்திருக்கிறது பாருங்களேன். சத்தியமாக திரு யாழ்சுதாகர் என்பாரை இதுவரை கேள்விப்பட்டதில்லை. அவரை வெளிக்கொண்டுவரும் ஊடகமாக இந்த "வலைப்பதிவு" இருப்பதுகண்டு புளகாங்கிதமடைகிறேன். இதைப்போன்ற திறமைசாலிகள், இலங்கை அன்பர்கள்/நண்பர்கள் அனுதினமும் புதுப்புது வலைப்பதிவுடன் வருகின்றார்கள். அவர்களை வாழ்த்தி வரவேற்போம்.

(பி.கு: மன்னிக்கவும் சுதாகர், BlogDriveல் எப்படி பின்னூட்டம் கொடுக்கவென்று தெரியவில்லை, அதனால் இங்கே.)

லல்லுவின் லொள்ளு

இந்திய ரயில்வே அமைச்சர் மாண்புமிகு லாலு அவர்கள் தான் பதவி ஏற்றதிலிருந்து பல சிறப்பான நடவடிக்கைகள் எடுத்து வருகிறார்கள். முதலில் காபி,தேனீருக்கு மண்கலையத்தைப் பயன்படுத்தவேண்டும். பின்னர் மோர், இளநீர் விற்க ஊக்குவிக்கப்பட வேண்டும் என்று அறிவித்திருந்தார்கள். அதன் பின்னர் ரயிலில் பயன்படுத்தும் இருக்கைகளுக்கு தேங்காய் நார் பயன்படுத்தவேண்டும்.

அந்த வரிசையில் இன்றைய தினசரி ஒன்றில் படித்த ஆக அண்மைய அறிவிப்பு:
ரயில்களில் மக்கள் பல் விளக்க 'வேப்பங்குச்சி' விற்கவேண்டும்.

இது இப்படியே போனால், வேறு என்னென்ன அறிவிப்பு வருமென்று கொஞ்சம் கற்பனைக்குதிரையை ஓடவிடுங்களேன்...

(எனக்கு முதலில் தோன்றியது, கூடியவிரைவில் கோவணம் விற்கப்படும் என்பது - ஆனால் அதைப் பொதுவில் சொல்லி உங்களிடம் வாங்கிக்கட்டிக்கொள்ள விரும்பவில்லை:)